مسجد الشيخ زايــد " رحمه الله " .... UAQ




بسم الله الرحمــن الرحيم ...
السلام عليكم و رحمة الله و بركــاته ...



مسجد الشيخ زايد رحمــه الله كل إمارة في دولتنا عندها هالمسجد أو هالمعلم و بنفس البناء و اللون و التصميم
و الهندسة و الديكــور بس الاختلاف في مكان تواجده يعني هذه الصورة حاليا من تصوير عدستي في إماراتي
" أم القيوين بلادي و عشقي أهلها " السموحة عاده التصوير هب لين هناك لكن الفوتوشوب و عمايله و خاصة إني
صوريتها و نحن واقفين ع الإشارات و السيارة مخفية طبعا ^^ و يعتبر مسجد الشيخ زايد رحمه الله و أسكنه فسيح جناته أكبر مسجد في أم القيوين أمس خطبة الجمعة على قنوات دبي و سما دبي و دبي الرياضية كانت في مسجد أم القيوين " مباشر"...
و يوم كنت أطالع الخطبة أقول في نفسي
يا ربيه وين هالمسيد انا شفته مكان معقولة في دبي لالالالا أنا دشيته و صليت فيه وين يا ترا.؟
و يوم خلصت الخطبة اكتشفت انه هالمسيد عدنا بس الصراحة يوم خلصت الخطبة دخل وقت الصلاة
ماشاء الله ماشاء الله ماشاء الله صوت الإمام كان أكثر من رائع و حبيت صوته في قراءة القرآن و حبيت تغنيه
حاولت إني أعرف اسمه و أنزل مقطع له عشان تسمعون له بدور ع إسمه و بستفسر و ان شا ء الله بييبه لكم
أنا تقريبا دشيت مسجد الشيخ زايد مرتين يمكن او مرة و حاليا كانوا مسوين له صيانة " توسيع " و خلصوا منه و كل هالتقرير و هالعفسة بس لانــي حبيت صوت الإمام شوفوه بس يوم يقرا الفاتحــة ماشاء الله عليه .
...................................................
عــالم الإبداع واللعب بالألوان
حبيته هالموقع و الحلو فيه شخبط ع كيف كيفك لكن الرسمة راح تعيبك
عاد أنا قلت أبدع فيه شو خسرانــة دوكم الموقع .


http://bomomo.com/


و هاي هي الشخبطة اللي سويتها أدري حلوة شووووكراااا =)=)=)

و لا تنسون راوووني شخبطتكم أبا أشوف شخبطة منو أحلى <<< فضول ...

و سلااااام ^^

2 التعليقات:



واحة خضراء يقول...

كُل ما صُرِّف في سبيل الله يبقى ويُعمّر

رحمة الله عليك يا شيخ زايد

حاولت أنسى يقول...

ف لحظه حسيت ان المسيد ورا بيتنا

يشبهه والله ^__^

حروف الورد

حبيت ابصم ف مدونتج .. وأهديج هـ الوهقه

http://hawalt-ansa.blogspot.com/2010/06/blog-post_3344.html

إرسال تعليق