اصعب وهقة ... مس حليت الواجب =)

السلام عليكم ورحمة الله و بركاته ...

شو أقــول و شو أخلي ما توقعت اتوهق لكن دامي توهقت لازم

أطلع نفسي من هالوهقة الله يسامحج يا " حاولت انسى "

ما بيلس اتفلسف وايد لضيق الوقت لدي و لا جان عرفت جيف اغدي عيوز

و احن ع راسج ^^


أذكر اسم من طلب منك حل هذا الواجب ...؟

بعد تبيني اذكر منو طلب مني هالشي

صديقتي " حاولت انســى " ما عليه =)<<<< هذا شكر ^^

تحدث عن ستة أسرار قد لا يكتشفها من يقابلك للمرة الأولى

१- إني أكبر وحدة من البنات و الاولاد

२- إنه عمــري عشرين لانه شكلي ما يوحي لذلك لاني كيوت ^^ <<< عدال

३- جريئة و عصبية << عن تشردين اللي حواليج صح عصبية لكن ما اطلع شي من عصبيتي

يعني اكون ساكته يوم اعصب و حساسة وااايد و خجولة بنفس الوقت لدرجة ما تتصورونها .

४- ذوقي صعب شوية اتعب اللي حوالي <<< و النتيجة ما تكون في صالحي ^^

५- اسولف لدرجة اخلي الشخص الثاني بفطس من الضحك احب اليهال لكن يلعوزوني وااايد

و العكس صحيح و ما احب اني اكون بشدة حماسي و ارمس حد و او اسأل شي و ما الاقي جواب هالشي يخليني

ما اتعامل مع الشخص الثاني مرة ثانية .

६- حاليا قاعدة صوب الحوض برع في السكن و ملابسي انخرسن ماي و انا ما ادري بسبة هالوهقة ههههه

حول هذا الواجب إلى ستة مدونين واذكر أسمائهم مع روابط مدوناتهم في موضوعك.

مممم عشان خاطركم بكتفي ب ३ مدونات اخاف يدعون عليه ^^

حاليا ما بقولكم بوهق منو بشوف اللي بوهقهم

جان بيتفاعلون و بسوي تعديل للموضوع عقب و بحطي اسامي مدوناتهم ^^

اترك تعليقا في مدونة من حولت إليهم، ليعلموا عن هذا الواجب.

بنحطي ان شاء الله يزاج الله خير حاولت انسى

استمتعت بالاسئلة .

........................................................

خل اهذرب اخر الموضوع انا من ييت قعدت برع كل شوي وحدة تييني

يتني مالت السكيورتي و قالت لي الكونيكشن زين <<< تحروا البنات ان المكان اللي انا قاعدة فيه ممنوع الفعدة فيه ^^

و توه يتني وحدة تقولي شو اسمج قلت لها تقولي شكرا نحن يالسين نلعب جرأة و حقيقة

عقب راحت خبرت ربيعاتها اسمها جي كل وحدة تمت تقولي عاشت الاسامي ^^ و بث

0 التعليقات:



إرسال تعليق