funny
يوم الأربعـاء يوم خلصت دوامي طلعت من وقت لأني كنت بنزل البيت
و ما حضرت أخر كلاس ركبت الباص و حليلي على نياتي .... و أتريـا الباص متى يتحرك و يرجعنا السكن أشوفه تقريبا تم يتريا نص ساعة و مرة وحدة اسمعه يصارخ على الدريول الثاني
......... : ما في صبر خلاص انا روخ
الدريول الثاني: انته ليش ما في صبر
........ يصارخ: هيه ما في صبر خلاص ما يوقف انا روخ
الدريول الثاني: انزين صبر شوية
......... معصب : خليه يولي انا روخ
سكر الباب و أقولكم خمسنا بهالبراحة قلنا بيهدي الحين طلع الحبيب ما عنده "ون" " تو" وصل عند الباب ما وقف
و نحن عيوننا عن يكسر الباب اول ما طلعنا شي دوار و الله قرب من الدوار واايد زين ما دخله حتى راعي النيسان تم يدق هرن و هو وقف بنص الدوار عقب شخطه مرة ثانية و مسرع " شفت هندي عنده سيكل قلت ف خاطري جان تبا عمرك سوق ع الرصيف"
ووصل الدوار الثاني ما شاف اذا شي سيايير جنه الا مغمض عيونه زين ما شله ع تايرين ... البنات كل وحدة تطالع عيون الثانية و الله ما عرفنا نضحك و لا نخاف ع رواحنا ... و لف الدوار كامل رد ع اللفة و مرة ثانية لف ووصل صوب السكن الا تيي جدامه سيارة
اف جي <<< الاخ ماخذ راحته ماخذ الشارع ببيزاته .... و الاعصاب هني تالفة ناقص بس ينزله راعي الباص و يصمه كفين ع بروده وصلناعند المطبات شلنا فوق و نزلنا تحت و ايدينا ع قلوبنا كنت افكر ارد البيت و مستانسة شكلي ما برد البيت اليوم دخل السكن و تم يشخطه و يخمس جنه في حلبة و يوم وقف نزلنا من الباص و لا كأنه صاير شي و نحن ماشين توه الا علامات الخوف بدت تظهر
و الجسم بدا يرتقل ^^ .....
................................................................................................................................
......... : ما في صبر خلاص انا روخ
الدريول الثاني: انته ليش ما في صبر
........ يصارخ: هيه ما في صبر خلاص ما يوقف انا روخ
الدريول الثاني: انزين صبر شوية
......... معصب : خليه يولي انا روخ
سكر الباب و أقولكم خمسنا بهالبراحة قلنا بيهدي الحين طلع الحبيب ما عنده "ون" " تو" وصل عند الباب ما وقف
و نحن عيوننا عن يكسر الباب اول ما طلعنا شي دوار و الله قرب من الدوار واايد زين ما دخله حتى راعي النيسان تم يدق هرن و هو وقف بنص الدوار عقب شخطه مرة ثانية و مسرع " شفت هندي عنده سيكل قلت ف خاطري جان تبا عمرك سوق ع الرصيف"
ووصل الدوار الثاني ما شاف اذا شي سيايير جنه الا مغمض عيونه زين ما شله ع تايرين ... البنات كل وحدة تطالع عيون الثانية و الله ما عرفنا نضحك و لا نخاف ع رواحنا ... و لف الدوار كامل رد ع اللفة و مرة ثانية لف ووصل صوب السكن الا تيي جدامه سيارة
اف جي <<< الاخ ماخذ راحته ماخذ الشارع ببيزاته .... و الاعصاب هني تالفة ناقص بس ينزله راعي الباص و يصمه كفين ع بروده وصلناعند المطبات شلنا فوق و نزلنا تحت و ايدينا ع قلوبنا كنت افكر ارد البيت و مستانسة شكلي ما برد البيت اليوم دخل السكن و تم يشخطه و يخمس جنه في حلبة و يوم وقف نزلنا من الباص و لا كأنه صاير شي و نحن ماشين توه الا علامات الخوف بدت تظهر
و الجسم بدا يرتقل ^^ .....
................................................................................................................................
not funny
من فترة يوم كنت ثاني ثانوي طبعا الحين في الجامعة و هاي ثاني سنة لي في الجامعة ... على أيام الإجازة كنا مخططين
نسير رحلة صوب الفجيرة و خورفكــان أو بالأحرى صوب دبا ..
و بهاليوم اكتشفت قبل لا نطلع من البيت انه عندي انتفاخ بصدري قريب من القلب زغت من هالشي رغم انه ما كان يعورني ابدا ابدا و صدفة حصلته .... ركض روحت عند امي و راويتها و هي تمت تطالعني عقب قالت
خليه و يوم الاحد بوديج المستشفى المهم الرحلة ما استانست فيها لاني كنت افكر بهالشي و تعرفون الواحد يوسوس .....
على يوم الاحد روحت مستشفى ام القيوين صوب الجراحة ودخلت ع الدكتور و يوم كشف على حالتي قالي عملية <<< منو بيودني الحين ناقصينك يا دكتور ... تميت اقوله انزين شو هو قالي مش متاكدين منه بس يباله عمليه خاصة انه ما يعورج ابدا ..... طلعت من عند الدكتور بخيبة أمل و كان عنده شاب متدرب هالوقت يالس يطالعني بعيوني شكلي غمضته ...... رديت البيت و هموم الدنيا كلها على راسي و الجو هاك اليوم كان رهيب مغيم على ممطر يعني يحسسك انها الدنيا كلها هموم & هموم ...
رغم جمال الجو الا اني ما كنت افكر الا بهالشي ... و عالعصر امي ودتني مستشفى جي ام سي في عيمان و قالولي نفس الرمسة عقب أمي خبرت خوالي و جذي و خالي الله يحفظه يلس عندي قالي بوديج
مستشفى الزهراء في الشارجة عن نفسي مليت و صدق ثاني يوم بالليل وداني هناك بس هم قالوا بنسوي أشعة فحوصات سرت ثالث يوم الصبح و سويت فحوصات كرهت عمري يوم سويت الآشعة لدرجة قالت لي النيرس انتي متزوجة قلت لها هيه و عندي بنت و مناك كله خرط كيف معرسة و عندي بنت و عمري 16 بالعقل يعني ههههه روحي ياهل ....
ما صدقت سوينا الاشعة و بالليل يوم سرنا نشوف النتايج قالي الدكتور هو عبارة عن ورم حميد و لا تخافين منه و من النوع اللي ما يكبر يعني اي وقت يدق براسج تبين تسوين العملية سويه ع راحتج ..... هني حسيت براحة نفسية ما بعدها راحة بس الخوف من كلمة العملية نفسها ... سويت العملية في أم القيوين ع الفصل الثاني
و عطوني أسبوع إجازة و قالولي لا تشلين شي ثجيل .. يوم دخلوني غرفة العمليات تميت زايغة يوم اشوف كل شي بعيوني و فجأة تموا يستهبلون عليه الدكاترة و بعدها ما حسيت بشي دخلوني الساعة 10 و قوموني من البنج الساعة 11 ما حسيت بعمري الا اني اشاهق من الويع وقف عندي دكتور و تم يسولف وياي ضحكني عقبها طلعوني الساعة 12 تقريبا ما كنت حاسة بعمري بس كنت اعرف كل اللي موجودين و خلوني ع لحم بطني لين العصر عقبها ياني الشاب المتدرب يوم شافني ابتسم قالي ما كلتي شي قلت له لاااا قالي ..
يوم بطلع من الغرفة كلي لقمة لو حسيتي بشي لا تكملين قلت له اوكى بس الحمدلله كل شي مر ع كيف الكيفك و الحمدلله ع سلامتيه و سووولي حفلة في المدرسة بنت الوزير عنبوا و طفروا و المتدرب كلما يشوفني يقولي شي كنت اقول في خاطري متفيجتلك انا هههههه
و توتــه توتــه ... خلصت الحتوتــة
و رجعت صغيرة و استويت احلى بنوتــة =)
0 التعليقات:
إرسال تعليق