حـــروف الورد

ذكرياتي همسة لكم طبعا تعرفون سورة القلم ن و القلم و ما يسطرون هذه السورة اتذكر أيام المدرسة

أوقات حصص التقوية كانوا يسمعونا اياها و حفظتها كاملة و حسيتها سهلة

و حفظت السورة اللي عقبها بعد ما تحضرني

حاليا بس اظني المعارج .

................................................................

يمكن العنوان يجذب شويــة إلا واااايد لكن لا تسيرون فالتفكير بعيد لانه موضوع عادي

لكن عنوانه اسبيشـــل خل نفرفش شوية الاسبوع اللي طاف يوم الخميس كنت قاعدة بالبيت

و ملانة قالي خالي يالله فوقه قلت له انا جاهزة من دون ما اعرف وين بنسير عقب قالي بنسير مول الامارات

سرنا انا و هو و حرمته شله رازة فيسي ما ادري خخخخ

تحوطنا في مول الامارات و سرنا صوب الثلجية ما دشينا " لاني كريمة ان شاء الله بسوي

موضوع لرحلتي لمول الامارات في المرة الاولى "

و بجذي خلصنا و شبعنا من مول الامارات و ع قولتي ما حصلنا شي يرضي غرورنا

و كل اللي نحصله و يعيبنا غــالي و يكسر الظهر .

...............................................................

و يلسنا نتفق في السيارة أين ستكون وجهتنا الثانية قلت لهم دبي موول

ما سرت له ابد قالوا خلاص تــم " دبي موول "
شو رايكم أخلي الصور تتكلم وين رحنا في دبي موول فكرة حلوة

شو رايكـــم ندخل داخل زيادة و نشوف اسرار اكوا بارك <<< ما اعرف جان اسمه صح

كنا بنركب الباص اللي بيدخلنا داخل لكن حرمة خالي كانت حامل و منعونا ..

هاي عيوزتنا ع قولة حرمــة خالي ..

...................................................
..........................

نرجـــع لموضوع درسنا ^^
قصدي لموضوع المدونة احترت شو اسمي هالموضوع لكن القايد اللي يدلي في المركز
حل لي المشكلة لاني انا طوول ما كنت داشة دبي موول أدور عن شي معين و خبلت اللي معاي
رحنا للي يدلون و قلت لهم وين محل نون كان هندي قالي : نور بنك قلت له ؟؟؟؟؟؟
لاااا نون شوب ما عرف جان يزقرلي المصري تحريته أجنبي خخخ قلت له وين نون شوب رد عليه
نون و القلم و ما يسطرووون سيدة يمين فوق ^^

.........................................................

هذا المحــل من الطابق الثاني قالي الريال سيدة يمين فوق

ذكرني بخالي اقوله شو اسم بلوتوثك يقولي أول لفة يسار =)

لكن ما قالي اي طابق حليلي ادور بالطابق الثاني

اخر شي طلع بالطابق الثالث ..

القمصان اللي صادتها عدستي في المحل طبعا دعما للاسلام ما طلعت و ايديني فاضية

اتذكر مستر مطوع يوم رمس عن المحل في مدونته " انصحكم بزيارة مدونته "

و هم أحمد الشقيري بعد رمس عن المحل دوروا في اليوتيوب و بتعرفون زيادة عنه .

و بجذي عرفتوا ليش هالعنوان عنوان هالموضوع يتكلم عن جزء معين

لانه العنوان طلع حلووو قلت آخذه فاتمنى حبيتوا الموضوع

و أخيرا و ليس آخــرا هدية منــي سورة القلم

بصوت القــارئ سعد الغامدي

سورة القلم.mp3

و اتمنى لكم التوفيق و يزقكم الفردوس الأعلى