حـــروف الورد: مــواقف طريفــة " عايشتها "

مــواقف طريفــة " عايشتها "

- الاثنين، 5 أبريل 2010

عــاد انا أدرس بالجــامعـة " جامعة الامارات" و سنة ثانية

يعني بعدني ع التخصص بس بدينا الكراف من الحين ...^^

هالاسبوع الله يسلمكم عدنا إجازة طبعا أنا في البيت ..

في أم القيوين .. على بداية الاسبوع يوم رديت يوم الخميس

زخني عوار بطن في الباص في الدرب بس كنت متحملة ^^

لين وصلنا أم القيوين .. وصلنا الدوار العود مال شارع الامارات

اللي بيحولنا على السرة يعني أم القيوين ... اتصلت في أمايه

طوط طوط : ألــو امايه تعالي وصلنا >>> و مناك بعدنا لانها المدرسة داخل الم القيوين

و نحن تقريبا برع ام القيوين ..

أمــي : هيه يايــة خلاص ..

وصلنا المدرسة و الباب كان مفتوح و دش الباص و أدور من بين السيايير سيارة أمــي ..

هيه في سيارة سودة من بعيد واقفة سودة و رقمها 555## .. هيه الحمدلله أمايه موجودة ع طوول وقفت

اللي حذالي كانت يالسة اكتفيت بابتسامة .. قالت لي أمج يت ماشاء الله قلت لها هيه موجودة ^^

طلبت منها اتييب الكيس >>> خلاص ابويه الويع وصل حده .. و يابته لي قلت لها كومساميدا >> شكرا بالكوري

و نزلت نزلت راسي صح إني محجبة و جي بس ما اتغشى .. أقول حق عمري يعني ما تغشى برع اتغشى هني ليش ^^

بس الحمدلله واثقة من عمري لدرجة يسموني بالبيت >>> حووو يالمطوعة =")

و ركبت السيارة متعايزة اييب الشنطة العودة و أخوي الله يهديه يا و مب لابس نعــال >>> صغير لا يروح بالكم بعيد

حــرام منقود عدنا أماية تنزل تييب شنطتي جــان أنش قلت لها اماية بطني يعورني بس بسير و انا سايرة زين ما اندعمت في واحد

قلت في خاطري ناقصتنك انا بعد >>> تعرفون شو سالفته بدال ما ياخذ شنطة اخته خذ شنطة ثانية خخخخ رد رجعها و دور شنطة اخته

اوني سويت عمري ما اعرف شي خخخ .. سحبت الشنطة و حطيتها بالسيارة و ردينا البيت ..

أشوف الاهل مخططين يروحون دبي له له شكلهم متعمدين .. اتجهزوا و لبسوا عبيهم و خالي يدق هرن بالسيارة اتطالعوني شوية

قالوا لا لا ما بتي مريضة >>> يا ناس اسألوني انزين حكموا ع كيفهم خخخخ قلت لهم مب ياية سيروا ..

و جريب المغرب حرمة خالي متصلة حق حرمة خالي الثانية تعالي بيتنا و جي و عاد خبرت حماتها اللي هي يدتي و

اللي هي خالتها ^^

" نسب " عاد محد توهق غيري ما تم حد في البيت يدتي و حرمة خالي سايرات و حرمة خالي الثالثة محد .. نشي نشي

ما عدنا بنات

يتمن رواحهن .. جان انش و طوول الدرب لعوزوني خلوف و ربعه " سرنا مشي " هب بعيد بيت خالتيه عنا ترا ^^

و سرت هناك قبضتني بنت خالتي اللي ع قدي ودتني حجرتهم اوني بسولف حطيت راسي و رقدت ؟؟؟؟؟؟؟

لين زقروني تعالي العشا عقب العشا قلت يدو نشي بطني يعورني بروح البيت خالي يالس يضحك عليه قلت له يالمحشش

ايلس عدل و عن الضحك ...