قلــت أييب لكم كاريكاتير حلو جي ... بس ما يخصه بالموقف اللي بذكره ..
طبعا أنا أدرس بالجامعة و هاي ثاني سنة لي .. يعني بعدني عالتخصص
و هالاسبوع عندي إجازة يعني أنا في البيت في أم القيوين .. انزين عرفنا هالكلام قبل عطينا الزبدة ..
أهم شي الاعصــآآآب =")
يوم الاحد عــاد أوني ناشة من وقت و عفدت ع راس أمي و يلست أغلس عليها
أمايه بسج رقاد نشي .. تقولي يا بنية شو تبين
حليلها تتعب اتطرش خواني الصغارية الصبح المدرسة .. الله يحفظها ..
أماية نشي بسج رقاد >> قالت لي نظفي الغرفة و انا بنش قلت لها اوك
و بينما كنت انظف الغرفة هي نشت ..
و عقب خلصت روحت حجرتنا أغلس ع خالتي نشي انتي الثانية .. زين ما راغتني برع >> اعترفي راغتج خخخ ="(
المهم انسدحت شوية و ظهرت اشوف اماية جاهزة لابسة عباتها
ما تفقنا جي امايه جاهزة قبلي روحت لبست عباتي المهم ..
سرنا استلمنا الشيك و خلصنا و يينا البنك عشان نصرفه و دشيت انا حصلت ابلتنا ايام المدرسة سلمت عليها
يلست حذالها لانها مالت الصرافة مب موجود فالكل هاجمين ع موظفة وحدة ..
يا دوري خلاص عطيتها الشيك و ووقعت و خذت رقم الفون و جي يعني ..
و قالت لي اتريي " مع العلم إني بلوشية و افتخر " و اعرف ارنط بلوشي بعد خخخ يعني اعرف اتدبر حالي لو حد رمسني
بالبلوشي .. المهم دشت حرمة ما اعرفها و سارت عطت الشيك و نفس الاجراءات بس عرفتها من شكلها بلوشية خخخ
بس كانت رزينة و جي يعني ما يخصها المهم دشت وحدة ثانية بعد بلوشية شكلهم يعرفون بعض و سوت نفس الاجراءات
و هاي بعد تعرف التعامل و جي و رزينة .. و يلسنا شوية و لا دشت وحدة ثالثة عاد هاي انا اعرفها بس شكلها ما عرفتني
من دشت يتني ضحكة اكتفيت بابتسامة يعني شو اقولكم تعرفون شو معنى الدفاشة عيب اقول حق حرمة كبيرة جي بس يعني
ما اعرف اعبر خخخخ و تمت ترنط بلوشي بصوت عالي فهمت عليها شوية قلت يا ربيه فشلة شوي شوي خخخ
قالولها الحريم الثنتين يعرفونها بعد شكلهم سيري عند هاي مصرة تبا تسير الصوب الثاني لا لا وين هاي البنية اللي هني
انزين يا حرمة هاي ما داومت لا هاي تعرف ... استغفر الله توهقنا هاي محد سيري عند هاي .. رضت بالامر الواقع و سارت عند
الثانية و خلصت الاجراءات وو يلست عند الحريمات و صوت عالي يالسة ترمس فلان عرس و فلان معرس
و فلان ولد فلانة جي استوا به قلت في خاطري هاييل الحريم ما اييوزن عن
طبعهن المهم نسيت اخبركم قبل في وحدة حرمة دشت
و معاها بنتين عيالها هاييل من خلصن اجراءاتهن و تمو واقفات لين ما يابوا البيزات قلت في خاطريه ما تعبتن من الوقفة يلسن
وحدة من البنات يلست بس الام و البنت الثانية تمن واقفات ... المهم صرفوا الشيك و طلعت و ركبت السيارة و طلعنا و خذينا
الشارع الرئيسي شوي و مال البنك متصلين فيني فلانة ..
قلت لهم هيه نعم بشحمها و لحمها .. السموحة بس انتي ماخذة مبلغ اكثر
من اللي لازم نعطيج قلت لها مممم خل اتاكد .. و بالفعل قلت لهم خلاص برد اسميني هودي ع قولة ربيعتي بنت خورفكان ما عديت
البيزات طلعنا انا و الحرمة الثانية اسامينا شرات بعض خخخخ .. و توتة توتة خلصت الحتوتة ..
و لا تنسون تراني .
university girl..
0 التعليقات:
إرسال تعليق