Ask me questions about anything http://www.formspring.me/coolnona
خربشات ...
اليوم كان خاطري أدش البلوق زمان عنه ..
في وايد أشيا افتقدتها و نسيتها او تناسيتها و أجلتها و جذي
انشغالي بالدراسة و بأشياء ثانوية منها لها معنى و منها مالها معنى
يمكن ابتعادي عن البلوق سببه اني قمت ما افتح لابي خير شر
الا إذا عندي شغل للجامعة و اسكره قمت ايلس عليه نص ساعة و أمل أرد
أسكره
: :
الواحد يكون بخاطره وايد أشيا يبا يسويها لكن ما يسويها
و في أشيا زينة الشخص كان يسويها بحياته يبتعد عنها
صارت حياتي جذي .. أشياء كنت أسويها ابتعدت عنها و كانت تفرحني
مرات أكره نفسي ليش قطعت هالأشياء لكني مازلت ألاحق النجاح بحياتي
بخاطري يوم أفيد الناس عسب يذكروني وقت رحيلي .. أتذكر مقولة لكن ما أعرف
بالضبط لمنو .. " إن الشخص عندما يفشل يستسلم على طوول و هو ما يعرف انه
باقيله خطوتين على نجاحه " طبعا المقولة راقية بس هذا شرح من عندي أنا حالتي جذي
امي دووم تقولي ما فيج صبر يعني من يخترب شي أهد كل شي ..
: :
قمت أنزعج من دراستي ما أعرف شو السبب رغم سعيي أبا
اوصل للسما لا لا لا بالغت يعني قصدي اتفوق ف دراستي
اللي يمنعني إني أفكر بسنوات دراستي احسهم وايد و انا ما فيني صبر
ابغي اخلص بسرعة صدقها أمي ما فيني صبر ههههه
: :
هيه في شي ما خبرتكم أنا أكثر ساعاتي قمت اقضيها عالبي بي
اللي خرب نظام حياتي بس الحمدلله الحين ما ايلس عليه وايد
عادي يوم كامل ما أجيسه وهم بعد وقتي اقضيه على تويتر
حبيت هالموقع واااايد ما ادري ليش ...
و سوالم بخليكم و ان شاء الله
لي ردة عاد متى ما أدري .. يشرفني أشوف
تعليقاتكم على كلامي ^^
شو مستوي ..؟
في مرة جربتوا انكم تحضرون كلاس و انتوا مب فاهمين شي ..هالشي حصل معاي اليوم ... كالعادة نشيت الصبح و رحت الجامعة دشيت الكلاس على فكرة المس يابانية بس لغتها الانجليزية مفهومة .. طبعا خلال الايام الأولى للجامعة قعدت بكل مكان قعدت بأول الكلاس ما ارتحت قعدت بالنص ما ارتحت .. اخر شي فكرت أقعد أخر شي .. يعني تقريبا قبل الاخيرة .. و حسيت هي تركيزها أكثر شي بالأخير فارتحت و دايما على نفس الموال أحضر الكلاس أطلع دفتري و أفتح الصفحة عشان أسجل النقاط الصعبة لكن بالأخير أقوم و الصفحة فاضية و الدفتر مثل ما هوو .. اليوم عاد غير يلست آخر شي فتحت دفتري و كلما ألقط كلمة مب مفهومة أكتبها لين خلص الكلاس و اكتشفت إني مب فاهمة شي رجعت أغراضي بالشنطة و شليت الشنطة بظهر من الكلاس اكتشفت انه الكلاس بكبره مب فاهم شي وحدة قالت حق ربيعتها .." تخيلي نفسك تطلعين من الكلاس و انتي مب فاهمة شي " استانست الصراحة عرفت إني مب الوحيدة اللي مب فاهمة في بنات يشاركوني هالرأي ^^ ..
I really hate civilization
رمضان - شهر الخير
تجدد لقائي في المدونة .. لا أدري لقلة المواضيع ابتعدت عنها
أم لكسلي ... لكنني عدت من جديد عندما علمت إن شهرا انتظرناه جميعا
قد اقترب " ما باقي غير اليوم " ...
شهر رمضان الفضيل تكثر فيه الخيرات و يستابق الناس لختم القرآن
و يسعون لنيل الأجر العظيم و تحقيق أمانيهم و التقرب إلى الله من خلال هذا
الشهر الفضيل .. الجميع يعرف ما يحمل هذا الشهر بجعبته للناس
فبعطائك ترسم ابتسامة لأطفال ..
و و بعطائك تسعد عائلة لتحقيقها حلم ..
و بعطائك تسعد مسن تعب من حياته ..
و أخيرا ليش آخرا ..من فضائل هذا الشهر التي تهل علينا من أناشيد و خيرات
و تصاميم و تواقيع و صور و بركات و أجر .. لكم مني هذا النشيدة الأكثر من رائعة
رمضان - ربي اهدنا فيها .. المنشد : عبدالقادر قوزع
http://sub3.rofof.com/09gvdes7/Rmdan.html
و لا تنسوا دعواتكم لاخوانكم .. و صدقاتكم بعد ^^ ..
use it ..
زمان عن المدونة .. نسيت لونها حتى علينا
اشغلتنا الأيام و الجامعة بالدراسة و الكراف
و ما كنا نحصل وقت للكتابة .. في بالي وايد أشيا أسويها
خاصة الصيف قرب و رمضان عالأبواب فلازم نفكر في كل شي
عسب أيامنا هاي تستوي غير ...
إذا كنا مقصرين في الأيام اللي راحت بعدنا ما متنا
عسب نعوض اللي راح .. صح ما نعرف متى نموت
لكن هم بعد عندنا الفرصة لكل شي ... شغلوا مخوخكم و فكروا زين
باللي ناوين تسوونه الأيام الياية ... تدوينتي بتكون قصيرة لليوم بس
بخليكم تفكرون باللي ناوين تسووونه .. فاسعوا للنجاح ^^
و بالتوفيق للجميع ...
نشيدة ليبيا - روائع الشيخ العفاسي -
أنقذ اللهم يا رحمن حزب الثائرين
نجهم يا رب من طغيان شيخ الجائرين
و أقذف الرعب المغلض في قلوب الغائرين
و اكتب النصر المؤزر للشباب الحاشرين
و اهزم القذافي و أثأر لأهل ليبيا الصابرين
و احقن الدم المسيل و أنفي كل الغادرين
قتل الأولاد و الأجناد من شعب رحيم
كي ينال العز و الأمجاد و الملك العظيم
أنزل اللهم بأسك في عتل و الزنيم
يا نصير الخير و أسحق كل شيطان رجيم
حرف القرآن أنكر الفرقان وزع العدوان في كل المكان
أنقص الميزان و أشترى الإنسان عمم الأحزان في هذا الزمان ..~
it's life .. إنهــآا الحيـآة
روعــة بمآ للكلمة من معنـى ~
لا يفوتكم ...
انتاج ابدعوا فيه الصــراحة .. ربي يعطيهم العافية و يزاهم الله خيييير
.
.
.
.
.
أمـة محمد اول ما يسأل به العبد يوم القيامــة .. { الصلاااة }
الصلاة .. الصلاة .. الصلاة
قلتها 3 مرات لأهميتها ...
" رب اجعلني مقيم الصلاة و من ذريتي ربنا و تقبل دعائنا " .. آمييين
الله أكبر .. الله أكبر .. اللهم صلي على نبينا محمد و على آله و صحبه أجميعن
الاشتراك في:
الرسائل (Atom)
