اليوم كان خاطري أدش البلوق زمان عنه ..
في وايد أشيا افتقدتها و نسيتها او تناسيتها و أجلتها و جذي
انشغالي بالدراسة و بأشياء ثانوية منها لها معنى و منها مالها معنى
يمكن ابتعادي عن البلوق سببه اني قمت ما افتح لابي خير شر
الا إذا عندي شغل للجامعة و اسكره قمت ايلس عليه نص ساعة و أمل أرد
أسكره
: :
الواحد يكون بخاطره وايد أشيا يبا يسويها لكن ما يسويها
و في أشيا زينة الشخص كان يسويها بحياته يبتعد عنها
صارت حياتي جذي .. أشياء كنت أسويها ابتعدت عنها و كانت تفرحني
مرات أكره نفسي ليش قطعت هالأشياء لكني مازلت ألاحق النجاح بحياتي
بخاطري يوم أفيد الناس عسب يذكروني وقت رحيلي .. أتذكر مقولة لكن ما أعرف
بالضبط لمنو .. " إن الشخص عندما يفشل يستسلم على طوول و هو ما يعرف انه
باقيله خطوتين على نجاحه " طبعا المقولة راقية بس هذا شرح من عندي أنا حالتي جذي
امي دووم تقولي ما فيج صبر يعني من يخترب شي أهد كل شي ..
: :
قمت أنزعج من دراستي ما أعرف شو السبب رغم سعيي أبا
اوصل للسما لا لا لا بالغت يعني قصدي اتفوق ف دراستي
اللي يمنعني إني أفكر بسنوات دراستي احسهم وايد و انا ما فيني صبر
ابغي اخلص بسرعة صدقها أمي ما فيني صبر ههههه
: :
هيه في شي ما خبرتكم أنا أكثر ساعاتي قمت اقضيها عالبي بي
اللي خرب نظام حياتي بس الحمدلله الحين ما ايلس عليه وايد
عادي يوم كامل ما أجيسه وهم بعد وقتي اقضيه على تويتر
حبيت هالموقع واااايد ما ادري ليش ...
و سوالم بخليكم و ان شاء الله
لي ردة عاد متى ما أدري .. يشرفني أشوف
تعليقاتكم على كلامي ^^
1 التعليقات:
مشكلة بني البشر انهم عجولين ويحبون كل شي يخلص بسرعه ... تعلمي الصبر يا اختي لان لا عزيمة ولا ايمان ولا قوة ولا ارادة لمن لا صبر له !
فالصبر خير داعم وخير معين على مواجهة المصائب وتحمّل البلاء ..
تعوذي من الشيطان ..
واطلبي من الله يعينك على الصبر عند البلاء ..
فالحياة من غير صبر {مملة وسئيمة}
ارق تحيــة
إرسال تعليق