مثل كـل يوم اليوم كنت سايرة الجامعة و كنت في الممر اللي بين الجامعة
و السكن .. و كنت لابسة نظارة شمسية
أوني كنت شوي بخق فاكتشفت اني يوم ألبس النظارة البنات ما يعرفوني
" ما احيدني اتغير يوم البس نظارة ها شي ثاني لو احلويت شوية .. خخخخخ " ف ابتسمت مع نفسي
و فجأة قالت لي وحدة هلا حروف .. صديت صوبها و دققت فيها رديت عليها أهلين .. فاكتشفت
مب بس البنات ما يعرفون حتى أنا
ما اعرفهم .. خخخخخ ....
طبعا هالروتين كل أحد و ثلاثاء أمشي بنفس الدرب و دووم أشوف بدربي أستاذ بريطاني الأصل لكنه مسلم و يلبس كندورة
ملقب بلقب " استاذ جزرة " الله يهدين بنات الجامعة .. دووم كنت اقول حرااام عليكم و الله طيب
و ويهه خير علينا بيوم الامتحان وقف علينا و تم يدعيلنا بنية صادقة و الحمدلله نجحنا كلنا .. إلا اللي مو مذاكر ^^
فتذكرت هاللقب و ابتسمت و رحت للكلاس يوم كنت رايحة استريت لي دبة ماي برع المبنى
و دشيت الكلاس و سلمت ع البنات .. أول ما فتحت دبة الماي .. جان ينصب الماي كله عليه =)=)=)=)=)
هذا جزاء اللـــي يضحك على النــاس و يتخقق عليهم بنظارته ^^
و ســلام ...
0 التعليقات:
إرسال تعليق